命

可能，o係過農曆之前，日子繼續日日有驚喜，每日都有D事發生，令小小力集中唔到精神，乜都做唔到。
為左爸爸既七十大壽擺酒既日子，一家人有再大吵大鬧。媽媽叫我寫底我唔洗返學既星期六擺酒，於是我寫底，但原來我唔洗返學既星期六我細佬都要返工。咁點呢?
媽媽發脾氣話我D字寫得唔清楚所以選唔到日子…可以唔講道理到咁.. 我就算用Printer印出黎咁清楚又點? 要返學既咪依然要返學，要返工既依然要返工!! 爸爸發脾氣話不如唔好擺，要擺一定要擺星期六，因為星期日其他親戚D小朋友會眼訓咁就唔好，所以佢一定唔擺星期日。細佬要返工既日子，佢話絕對唔會請假，點都唔請，死人都唔請。咁點? 咁我唔返學lor，冇問題架! 但媽媽又要鬧俾左三萬幾蚊唔返學? 考唔到點算?? 咁.. 如果大家覺得小朋友會眼訓係比我返學重要既，咁仲有咩辦法呢? 媽媽叫我俾把刀佢，等佢斬死個衰仔(細佬) ，一係等佢斬死自己…我覺得不如斬死我啦.. 斬死我問題就解決架喇.. 唔好煩，唔係因為我就唔會有咁多問題..

明話將自己D錢借哂俾親戚做身後事，所以冇錢交租，問我借七千蚊交租。借?? 我都唔相信佢會有錢還俾我…不過我都借，我唔想第一次就唔信佢。但咁就令原本手緊既小小力變得更加手緊。今朝，明打電話俾我話唔見左部手機，咁係咪又要買呢? 係咪又要借錢呢?? 到抵係明要問我借錢，定係我要問銀行借錢呢??…我唔想最後連身邊既人都唔再相信…

交考試費既單到左，由於英鎊升值，考試費由原本預算既五千幾蚊變成八千幾蚊…唔知再讀落去會唔會升到一英鎊兌二十港元呢?..

持有既股票，當我唔o係香港既時候就升，返黎可以賣既時候就跌…連想套現都一定要我輸…

真係 ”得之，我幸；失之，我命”