該死

睇開既大學中醫診所突然打電話俾我，話由昨天開始診所所有中醫都唔會為問診既人開藥，只有病人親自到診所先可以配藥。咁因為一向媽媽行動唔方便，係由我代媽媽問診，咁即係以後都唔可以咁做!! 點解突然會有D咁既政策? 唔知!! 為乜? 唔知!! 以後點算?? 唔知!! 但媽媽就覺得係中醫診所針對佢，又覺得係個中醫師唔想睇佢，更覺得係我唔想同佢睇醫生。又喊又大發脾氣鬧人，越鬧就越勁，一路鬧就一路話自己冇鬧人，又話唔再睇醫生又話要死，一路叫我去安排就一路鬧好去安排而唔理佢，最後我都頂唔住還擊。唉!! 點解一定要鬧人?? 鬧完問題都冇解決過，而且仲係鬧唔完!! 咁係唔係俾完問題就可以解決? 又唔係喎!! 為乜?? 爸爸叫我收聲，叫我由得媽媽鬧。結果係我叫佢收聲，我還擊唔係話唔俾佢鬧，而且想佢知道鬧唔會解決到問題，只會令佢既病越黎越差。要我地知道點幫佢係要話俾我地知唔係鬧我地。但，爸爸支持下，媽媽都係選擇一係俾佢鬧，一係俾佢死，唉!! 媽媽今日心情繼續差，我感覺我能夠做既已經冇。最後唯有全家辭職，坐o係屋企任佢鬧，直至佢離開喇!!:(

同日，明打左好多次電話俾我，但我既手機竟然有接收既情況下完全收唔到，send短信俾我四個鐘頭後先至收到。咁，就連明都發我脾氣。要解釋，我真係解釋唔到!! 只可以話，其實最該死既係我!!