濕柴

早上在公司收到電話，
粉人：「喂喂!! 係唔係XX公司小小力? 」
小小力：「係!! 」
粉人：「我地係XYZ公司，我地今日有兩條燈柱送俾你地。」
小小力：「Okay!! 送過黎喇，咁你地大約幾點鐘到? 」
粉人：「呢個唔係幾點鐘到既問題，係送去邊度既問題! 」
小小力：「兩條燈柱我會放o係停車場卸貨區，你送去地庫三層卸貨區喇」
粉人：「呢個唔係送去邊度既問題，係兩條燈柱好長我驚放唔落」
小小力：「老細，咁你係咪應該一早話我聽條柱幾長呢? 講咁多條柱幾長呢? 」
粉人：「條柱240mm 」
小小力：「240mm?? 老細，一尺唔夠喎!! 我問你條柱幾長唔係幾粗喎。人地問你個雪櫃幾高，你就唔好話俾人聽個雪櫃有兩隻門喇!! 」
粉人：「條柱 7000mm」
小小力：「咁放得落喇!! 」
粉人：「呢個唔係放唔放得落既問題，係我驚我地架車入唔到!! 」
小小力：「等等…. 我地停車場樓底3.2m，你睇下你地架車入唔入到喇!! 」
粉人：「呢個唔係你地停車場樓底有幾高既問題，係我地架車個司機話架車可能入唔到!! 」
小小力：「師父，呢個真係唔係我既問題，你地架車入唔入到係你既問題，入唔到你咪搵架入到既車lor，唔通我可以升高停車場樓底去就你架車咩! 」
粉人：「…咁，我地自己諗諗辦法，…我地大約三點鐘到!! 」
小小力：「咁你地到左俾電話我喇!! 」
粉人：「呢個唔係俾唔俾電話你既問題，係要我地個司機到左我先俾電話你!! 」
小小力：「師父，你俾電話我之前做咩關我咩事呀?? 你俾電話我我咪黎收貨lor，我話之你之前做咩呀!! 如果你覺得俾唔俾電話我唔係問題，咁你唔好俾電話我喇!! Okay!!?? 」
正濕柴!