衝動的懲罰

當失去「呀B」既時候，結婚，變得好似不太重要，也不太趕。
慢慢再計劃下，希望將來大家生活都好D!!
而且，我地在一起既時間其實還短呢….

明都冇太大衝動去結婚，唔想擺酒，唔想影結婚相，更加唔認為結婚又有乜意義。
只要兩人一起開心便足夠，
…反而生B既衝動更大…!!

點好呢?
我怕衝動有懲罰

開玩笑

大家請放心，明喊左幾日心情已經平伏番。
或者，如明所講，上天為我地開左一個好大既玩笑…

這幾日，見左好多朋友，打左好多次麻雀。
打麻雀可以醫病，你信唔信??
打完麻雀真係覺得好D!!
我將打麻雀贏既都輸哂俾明，佢都開心番D喎!!

帶左明去尖沙咀韓國街(金巴利街)買佢鐘意食既辣辣泡菜，佢又再開心番多D!!
行街期間撞到老細，我同明對老細既感覺係「鬼鬼鼠鼠偷番薯」

睇左套戲「門徒」，個個都話好睇，我就覺得麻麻!!
假到暈，D毒販神通廣大到呢…..

小小力 + 明 + 邦 + 冰既打邊爐終於都食得成，多謝陪左我地一晚!!
至於細路仔，希望佢既小朋友唔好學佢咁成日放飛機。

日子平靜，心亦平靜!!

真的小產了

最擔心的事最終發生了,...明小產了....
感覺真的很難受!!

生命繼續大上大落...

服務態度

北京機場大霧，航班突然取消，好多旅客滯留o係機場，電視畫面所見，航空公司賠償餐券俾D旅客算數，職員則交代說：「天氣影響，唔關我地事。」
但正如D旅客所說，佢地唔係貪D餐券，佢地係想知幾時航班恢復正常，航空公司有冇其他安排幫佢地解決問題。但.. 航空公司，正如一般內地公司一樣，從來冇從客人方面著想，感覺冇必要向客人交代，因為「唔關我地事」。
咁既服務態度，就算經濟再起飛，都冇辦法進入第三產業 - 服務業，距離強國之路，仲有好遠.. 好遠..

有危又有機

新既一年，發現人事變動好大，原有既保安差不多全部走哂，現有既差不多全部都係新人。一個咁大既場，有九成係冇經驗兼唔識路唔識程序既新人，有事都幾危險。其實有D野睇價錢真係睇唔到架喎!!

到底，自己人工算唔算低呢?? 原來同我同級既某同事，我人工高佢差不多三成。隔離某部門某高我一級既某同事，我人工都高佢差不多兩成。定係佢地人工超低呢??

新既一年，又有乜機會呢??

開心

初四，返工，收左千一蚊利是，其實都唔錯，但幫唔到D乜！！
讀書，其實都九成九放棄，每晚要十一點幾媽媽先放過我去休息， 到十二點明就唔放過我要講電話。或者，說服自己既理由係生命中有 好多野比讀書更重．．．
突然感到可惜，又有點失落！
望著王同事，我會唔會變成佢咁呢．．．

有人話我地一兩個月內會有人事變動，佢已經準備好走咁話！有人事變動我信，佢走，我就唔係好信!!

病極都唔好，醫生再開抗生素我食，媽媽話食得多將來有病食抗生素都冇用！將來？有命到將來先算喇！

個工人就越黎越離普，十點零鐘要訓，未做哂野都要訓。野就越做越慢， 咁就可以做少Ｄ！煮個飯煮兩個幾鐘頭，洗碗洗個幾鐘頭，一日煮兩餐都冇乜時間剩！ 聽得明你講野就扮聽唔明，識做既就故意做錯，等你唔敢叫佢做！死未？？

你睇我幾開心！

麻雀導師

初三，繼續竹戰連場，帶明返屋企見下D舅父呀姨，因為媽媽有十二兄弟姐妹，大部份呢日都黎哂，我相信明見過都唔認得。咁，咁多人，又係打麻雀…小小力既小小屋企開三檯麻雀，企都冇地方企，於是同明去左睇戲。新年，睇番套好意頭D既「心想事成」，點知套戲真係悶到抽筋。不睇也罷!!
回家，輪到我同明打麻雀，呀姨同媽媽都贊明打麻雀技術高，哈哈…但明就話我打麻雀真係唔得。睇黎教「呀B」打麻雀既責任都係交俾明喇!! 哈哈!! 不如教埋我喇!!
好快幾日假期又完，又要返工….

橫財就手

其實，小小力係帶著病過年，一直咳唔停！
初二，食左藥之後，係咁訓係咁訓，一直訓到下午四點至起身食我既 開年飯。明既表姐叫我食隻豬手，話食左就正橫財都就手。Really? 橫財就手? 我? 我真係唔係好信！
飯後，同明一齊去買六合彩，結果，好耐都未試過．．．一個字都唔中！！
依然咳唔停。

豬事大吉

好唔好既狗年又過左，總算一家都平安渡過，已經算最好喇！！
新既一年，好亂，好多野要做，完全冇計劃，亦計劃唔到。
或者有Ｄ原本既計劃雖要放棄 ﹣好似讀書咁！
只希望大家豬事大吉，身體健康。
年三十，同明行花市，自己已經好多年冇行花市，今年都唔知仲乜？ 去到邊都咁多人，花市就更加唔洗講！！ 行左三個鐘先出得返黎！買 左隻金豬仔錢罌俾「呀Ｂ」 儲錢，一日儲十蚊，加埋Ｄ利是錢， 等「呀Ｂ」 大個就可以有一筆錢用！！媽媽話要儲錢不如投資。但要投資都要先有第一筆錢架？？而且未識投資就去投資？？等小小力教下佢先喇！！
初一，同明返屋企食飯，陪媽媽打麻雀，「牌品好， 人品自己好！」 你信唔信？？ 我信架！！打麻雀係一種收養，咁，明都okay! 打麻雀技術都比我好，但運氣同我一樣咁差，結果我同明都大敗!! 以後教「呀Ｂ」打好Ｄ麻雀先得！！

今天應該很高興

今日早上收到好朋友「細路仔」電話，真係好耐冇見冇聯絡，佢連我拍拖都唔知我就話佢聽我做爸爸。佢都替我高興，更值得高興既係原來「細路仔」都做爸爸，預產期係四月，哈哈哈哈…. 原來我地都一齊有「金豬仔/女」，可以一齊玩!! 希望「金豬仔/女」真係可以帶俾「細路仔」好運喇!!

唔好運既狗年仲有兩日就過去喇!! Yeah !!!

P.S. 約左「細路仔」初六/七 gathering，有興趣join嗎??

最好的情人節

小小力過左一個最好的情人節，
這個情人節，沒有昂貴的鮮花，沒有高價的禮物，沒有浪漫的晚餐…
這晚，街上都擠滿人，我同明選擇回家煮飯食，
簡單又滿足的晚餐，
飯後我同明去行街，買野俾明過年，行下我平日唔會點行既超級市場，買野俾明食。
之後返屋企，食下野，睇下電視，睇下BB知識，咁就一晚。
我覺得係好開心滿足既情人節。

希望「呀B」將來都唔好係一個物質主義的人。

一個都不能少

一家人最近都冇哂其他題目，大家每次講起既都係「呀B」。呀B乜乜乜，好開心咁…當中有媽媽擔心屋企錢唔夠洗，佢既病會成為負擔。我唔知點令佢唔擔心，但我相信我可以應付得黎，總之一個都不能少。

明身體開始出現改變，可能因為係第一次，佢都好驚。胃口轉差，冇哂力，成日作嘔，有下腹痛。去醫生度檢查，醫生話係正常反應。明話在超聲波底下見到未成形既「呀B」好似隻雞蛋咁郁郁下。乜唔係似舊叉燒咩??

最近都忙於搵屋，搵孕婦知識，搵結婚註冊事等等，好忙又唔識.. 如果有人幫下手就好喇…

到底預產期係點計算出黎既呢?? 準唔準架呢?? 「呀B」既預產期係10月13日，咪係天秤座??

現在最重要都係事事小心。

爸爸的抉擇

突發事件，咁，終於帶左明去見屋企人，沒有想像中震動。爸爸，媽媽都好高興，好似大家都好接受咁，媽媽仲非常非常之開心，話終於放下心頭大石。最擔心既，好似得我一個，..你有冇睇過個電視廣告? 個細路仔一出世就踏碎爸爸隻遊艇，我感同身接。媽媽話要一家人一起住，要搬去同區私人住宅，成千二尺，買要接近三百萬，我點買? 租要一萬一千蚊一個月，之後我仲要一個養六個，計一計每個月要用成三萬蚊，頂兩至三年應該冇問題，但之後又點?? 我擔心都係有道理。咁，都冇辦法，唯有見步行步。…不過，最令我估唔到，係衰仔竟然會擔心我頂唔住，佢自己願意搬出去減輕我負擔，等小朋友大個D佢回來照顧爸爸，媽媽…. 我…以為自己聽錯。如果衰仔能夠改過，咁就連我都放下心頭大石喇。
咁，如無意外，小小力今年應該結婚同做爸爸喇!! 唔會擺酒，只會請各位朋友食餐飯，一切從簡，希望到時見到你地。

攪出人命

雖然好想做爸爸，但真係冇想過咁快。
至少，財政上，心理上都未準備好。
非常突然，非常亂。攪出人命。

扮英雄

教育學院副校長陸鴻基走出黎兩年前受教統局高官施壓，干涉左學術自咁，扮哂
正義英雄。小小力所知多，只係想問，如果你覺得事件咁嚴重，點解兩年前受壓你當時唔講?? 偏偏要o係自己將近約滿續約既時候黎爆料!!?
有D人真係好自私，唯恐天下不亂。
你睇下D議員幾開心!!

消費者假設

經濟學上成日有呢個假設。每個消費者(consumer)都係理性(rational)既，當佢地消費既時候，會選擇為佢地帶來最大滿足（utility）既貨物，而佢地係有能力分別自己喜好，而且呢個能力係一貫既，即刻唔會依家鐘意Ａ多過Ｂ，再問一次又話鐘意Ｂ多過Ａ 喇！！
但相信大家都好清楚，現實同呢個假設係剛剛相反，大多數消費者都係唔理性，佢地大多數時間都冇辦法分別自己鐘意Ｄ乜，買野黎做 乜？往往買左D冇辦法為自己帶來最大滿足既貨物，而且大多數人都係一時一樣，絕對唔一貫！
咁， 點解仲要讀經濟學？？或者係好似黃子華咁講喇 ：「讀書唔係幫你搵到野做，而係等你明白自己點解搵唔到野做！！」

我會做好呢份工

曾特首角逐連任
搵左「我會做好呢份工！」做競選口號

如果換轉其他行業或者其他人
應該會咁講：

地盤佬：「我會鑽好呢個窿！」
氣功師：「我會發好呢次功！」
八達通公司：「我會整好八達通！」
天文台：「我會測好呢個風！」
整容醫生：「我會隆好呢個胸！」
鐘錶師：「我會整好呢個鐘！」
廚師：「我會爆好呢碟蔥！」
麻將腳：「我會碰好呢隻東！」

如果換轉係你又會係點講呢??

小小力：「我會六點鐘收工… …」

禮品日

一個男人，有雙親，太太，兩個子女。咁，到底一年佢要買幾多份禮品呢?? 計一計，有雙親生日，父親節，母親節，情人節，太太生日，結婚紀念日，子女生日，兒童節，復活節，聖誕節。到底係邊個諗出黎o係呢節日要送禮品架呢?? 你估係唔係D零售商呢?? 因為無論咩節，最得益既都係佢地。而令所有關係都變得物質主義。

阻住地球展活力

發覺，好多人都係咁，做一D野出黎，對佢自己有冇好處就唔知，但肯定阻住地球展活力，甚至危害其他人。
例子一：行路令轉頭睇野，你點避佢都撞落你度。係行路就唔好令轉頭睇野喇，要睇野咪企o係度囉，行路令轉頭睇野，又行得慢，又睇唔清楚，又危險。
例子二：在扶手梯前討論世界大事或者沈思，唔知點解? 唔通o個個位特別啟發思考?? 我淨係知o個個位企o係度好危險o者!! 你企o係度，後面D人點行? 咁咪跟著撞落黎你度囉!!
例子三：街上圍起板或者欄做工程，D人即刻衝埋去睇，有乜好睇呢? 關你叉事咩?? 圍得黎做多數都危險架喇。仲睇!
例子四：企o係馬路紅綠燈過馬路位講電話，轉左燈都仲企o係度講，阻住其他人過馬路。唔通支紅綠燈係天線黎?? o係度講會清楚D??
例子五，六，七…太多喇，下刪五千字。

無所事事

星期六，日，如常返學。到原來三月完成既課程只係餘番三堂，以目前既狀況我依然唔相信自己可以考到，但想多無為，行動最實際，五月考試，盡力而為喇!!

聽到友人迷人話可以去旅行，仲要係去歐洲，真係好羨慕，自己從來都未衝出亞洲，亦自從媽媽有病以來都冇去過旅行，再加上五月考試，四月都唔會有時間去玩。希望下次(六月至八月) 可以同大家一齊去旅行喇!!

星期日，下午無所事事同明去左行跑馬地馬場，話時話呢次係我第一次行馬場，感覺跑馬地個馬場原來唔係好大，不過在鬧市中算係空氣清新，環境清靜。唔知有冇機會住跑馬地呢?? 是日，亦係一代馬王「精英大師」退役既日子，曾經十七連勝既佢生崖最後一次出賽跑尾二，亦代代表一個時代既結束。新時代即將降臨。馬如是，人亦如是。

終於，買左部3G電話俾明，因為要玩視像電話，所以買多部俾自己。玩就幾好玩，不過就貴左D。算喇，情人節禮物。至於小小力既情人節呢，講真，我真係冇乜想要。至衰既係，出左部3G電話既第二日，公司就俾部3G電話我用。頂!! 我望住兩部3G電話，真係「O」哂嘴。

爸爸既七十大壽，想請埋D朋友黎，但唔知大家想唔想呢?? 希望到時大家都開開心心喇!!

呢個星期五，又係某判頭請食團年飯既日子，有得食，有得玩，有獎抽，正!! 但偏偏爸爸話呢晚屋企團年，真掃興。

小小力係一個迷信既人，話過今年唔好今年就真係唔好。咁，出年(豬年)話好唔知係唔係真係好呢?? 有話小小力豬年投資不利北方，但大利西方喎，有乜啟示呢?? 點都好，今日記得買六合彩先..!!

你那麼愛她

歌手：李聖傑, 林隆璇 | 作曲：林隆璇
填詞：林隆璇 | 編曲：洪敬堯

＊直到愛消失你才懂得
　去珍惜身邊每個美好風景
　只是她早已離去

　直到你想通她早已經
　不再對你留戀　最後的你
　開始了一段掙扎＊

＃你那麼愛她　為甚麼不把她留下
　為甚麼不說心裡話　你深愛她
　這是每個人都知道啊

　你那麼愛她　為甚麼不把她留下
　是不是你有深愛的兩個她
　所以你不想再讓自己　無法自拔＃

REPEAT＊＃＃

痴心絕對

歌手：李聖傑 | 作曲：蔡伯南
填詞：蔡伯南 | 編曲：陳飛午


想用一杯Latte把妳灌醉
好讓妳能多愛我一點
暗戀的滋味　妳不懂這種感覺
早有人陪的妳永遠不會

＊看見妳和他在我面前
　證明我的愛只是愚昧
　妳不懂我的那些憔悴
　是妳永遠不曾過的體會＊

＠為妳付出那種傷心妳永遠不了解
　我又何苦勉強自己愛上妳的一切
　妳又狠狠逼退我的防備
　靜靜關上門來默數我的淚＠

＃明知道讓妳離開他的世界不可能會
　我還傻傻等到奇蹟出現的那一天
　直到哪一天妳會發現
　真正愛妳的人獨自守著傷悲＃

REPEAT＊＃

發達夢

發夢，夢中老細發左達，辭職，於是大老細升我坐佢個位，就係咁，小小力就做左Team Leader。

我記得明同我都有咁既經驗，發夢既野同現實剛剛相反…咁就好喇，因為我老細個位一D都唔好坐…

又有人話，日有所思，夜有所夢…我就唔認同啦…因為我都唔係咁諗既。我最想既係…. 「我自己發達，辭職，返屋企坐番自己個位。」

哈哈…今日記得買六合彩先。