記書展2011

每年書展都有個主題，不是大會的明主題，而是出版商有共識的潛主題，各大出版商都圍繞著呢個主題出書，出到爛出到死。
今年通脹高企，民怨沸騰，港孩（小學雞）問題嚴重，你估今年潛主題係呢類？我想不是。今年潛主題應該係「通識」。
來年係新高中文憑考試第一年，第一次有通識科。話有六大主題考，但範圍之大真係難以捉摸。好似咩都關事，阿豬阿狗都出書教／講通識。可能高中生都擔心過唔到，於是見到好多十六七歲嘅學生買好多好多通識書。但真係有用嗎？唔知，但起碼先肥咗出版商。
由於太過呢類書，另書展很失色，以經唔係「展覽」，再一次變成特賣場。而最冷清的攤位，係「電子書」攤位。可能買電子書的唔需要去書展同人迫，上綱download更方便。又或者電子書還未成氣候呢。我就對電子書冇興趣喇！都係揸著一本書睇嘅感覺寫在得多。

高IQ低AQ年代

太太友人的女兒，年齡和我的女兒差不多，大約十五歲，新學期升高中（中四）。整天嚷著要去做暑期工，父母唔准，理由係又不缺錢，何必咁早去返工，唔知識到咩人，怕學壞。於是雙方天天吵架，最終父母投降俾佢去。返咗一日工，翌日早上父母叫佢起床返工，呢個小妹妹拒絕，佢話咁辛苦以後都唔返。
這一代小孩，物質享受太豐富，人係比上一代聰明，但亦更脆弱，少少磨練都不接受。唉！唔通真係可以一世靠父母唔使做。
有時覺得，這一代幸福到過了頭。所謂「千金難買少年窮」真係冇錯，但又有幾多富爸媽願意俾自己子女去磨練去捱窮呢？

大陸人

最近大陸發生好多「意外」，扶手梯到後滑行，高鐵列車高速碰撞，都做成人命傷亡。我個人相信，這不是技術的問題，是大陸人性格和管理的問題。
大陸人性格，做事求求其，最緊要「快、靚、正」，其它安全問題都不在考慮之列，所以維修時可以得過且過，睇報告嘅又求求其其，其實出問題只是時間問題，唔可以叫做「意外」。
早前大陸有大橋倒塌事件，承辨商係香港恆基，大陸媒體轟香港人也有起豆腐渣工程。但事實可能係管理問題，因為事發時同一時間有六部超載大型貨車在橋上行駛。
樣樣都求其是但，就算冇貪污都可以有豆腐渣工程。
大陸人，要過幾多代先可以改變呢？