今年書展,大會禁止o靚模入場做簽名會。少左o靚模同明星,書展終於似返個睇書買書既地方。至終o靚模寫真係健康性感定賣弄色情,我相信道德呢樣野每人心中都有一把尺一個標準,滿口歪理俾你講得過,唔代表公眾真係接受。
講返書展,似返個睇書買書既地方唔代表係一個成功既書展。今年書展,你睇到既書就係平日你o係書店既書。臺灣參展商基本上唔黎,內地參展商都冇乜書去展,內地客都係黎買文具,似特賣場多過展覽。最多係小說,烹飪書同旅遊書。我都不大感興趣。電視新聞話大會表示賣左好多文學書籍。
但,小說都係文學作品黎喎!
還有多左「一D」電子書!
但,又係o個句,書 ﹣重要既係內容,唔係形式。
至終今年消費,同去年差不多喇!
星期一, 7月 19, 2010
訂閱:
文章 (Atom)