再談即食麵

點解小小力覺得發明即食麵既人係偉人，而即食麵又係二十世紀最偉大發明呢? 話說二次世界大戰之後，日本被轟炸過既地方一片死寂，人口迅速下降。要社會回服繁榮，解決糧食同勞動人口係最重要。即食麵既出現就同一時間解決左兩個問題，第一即食麵代替左傳統食糧解決充飢，第二兩分鐘可以做完既即食麵減少左婦女為家人準備飯餐既時間，令大量婦女可以投入社會工作，解決左勞動力不足既問題。令戰後日本經濟迅速復元。
發明即食麵既日本，其實其即食麵消耗量只佔世界第三位，次於中國和美國，即食麵影響著世界三大經濟體系既飲食文化，所以說即食麵係二十世紀最偉大發明實不為過。