離開時代

終於，離開時代。

原來我o係呢個時代真係幾多朋友，請大家食「散水餅」，一人一件，七打都唔夠食。

舊同事Michael打電話俾我，原來佢走既時候，大老細o係走廊捉往佢「鬧」，仲講左D好侮辱既說話，….. 咩請左你即係廢既…. 等等。山水有相逄，佢真係小氣兼小家。Michael問佢有冇鬧我，…又冇喎，自從遞信之後佢都冇再鬧我喎…我都想睇下last day佢點鬧我….

不過，舊同事「鉤仔」走左，佢都要開個會黎力數人地既不事，真係好底能又無聊。依家小小力又走左喇，唔知佢又點將我鞭屍呢!!?

臨走，終於有同事搵我影相，我以為冇人想同影相喎…




夜晚，本來有舊大老細既飯局，結果舊大老細放飛機，本來有舊同事「大力」，結果話大力要留o係旺角捉老鼠，本來仲有同事「體育健將」。最後，飯局得番五個人，兩個判頭，我老細CM，舊同事鉤仔。咁仲好，咁多唔多熟既人做咩呢!! 呢個飯局都冇乜特別目標既，至在吹下水回憶一番。整個飯局，好鬼「智能飯局」feel，食下好野，飲下靚酒，好鬼relax好鬼正!! 由兩個舊老細送我走，算係幾唔錯。

不過，好多人都好想知我既下一站o係邊，…. 其實答案好快就有架喇!!