番大陸接家姐既時候，太太要修甲，期間有個女人行埋黎話同我太太睇相，只係幾十蚊，好準咁話，仲話人人都知佢好得咁話。太太於是俾佢睇(當時，我冇同太太講過野，個女人應該唔知我地係夫妻!!)
個女人話：你自細就唔洗點做，脾氣唔好但心地善良，有好多幫到手既朋友。細個應該曾經破個相!! 二十幾歲結過婚，但呢段婚姻好快會破裂，之後要三十六歲之後再結婚先可以到尾，你丈夫會係一個身形肥大既人，越肥越好!! 你做事完全唔得，做生意一定失敗，但你只要結左第二次婚就唔洗再做，你丈夫會越黎越有錢，越做越大，打工都會打到做老板。
太太話：但我丈夫依家都失業冇野做…
個女人話：唔緊要架!!佢唔做都會好有錢…. 另外，你有兩個仔女，第一個係女，第二個係仔，仔女都比你聰明，你有八十三歲命，一路會好到尾。
…..
嘩!!! 未發生既我唔知，但發生左既100%準….
之後，個女人周圍行，行到埋黎問我睇唔睇…. 嘩!!! 咁準!! 更係唔睇喇!! 我好驚呀!
沒有留言:
發佈留言