單打

公司門口鋪石屎，工程交俾公司建築部做，建築部自己亦有自己科文跟進。進度應該問科文，工程對客戶既影響應該問Property Officer。大家都應該好清楚!!
今日，Site In Charge問我知唔知道Property Officer約左科文明日開會。咁我答佢唔知，佢地又冇同我講，又冇叫我開會，我點會知。Site In Charge就單打我一句：「 乜個Property Officer仲清楚過你！！」
好笑唔好笑??
首先，我係冇角色involve，個Property Officer清楚過我係正常，但Site In Charge就想借呢件事話我冇做野。
第二，就算我有involve，都冇可能知道每一個人既對話。Site In Charge都唔知我今日同隔黎同事講個D乜喇!! 真係祕密警察都唔知，咁係唔係Site In Charge冇做野?? 要插，應該插約開會既，你約開會唔係應該叫哂所有involve既人架咩？
第三，如果你有道理，點解唔直接插我呢？？單單打打好有效咩？
點解？ 點解？
因為所有人都知，邊個做唔到野！連大業主咁少黎都知！！
單打，只係一種發洩！
因為所有人都知，真正唔到野，係Site In Charge手下o個三個Property Officer， 平日俾人插得多，今日呢個單打，好似報仇雪恨咁！ 唔好淨係插個三個Property Officer!!
至於我，冇乜感覺！大細超呢D野都唔係第一日見喇！只係呢度嚴重D啫！