酷熱

呢兩日天氣酷熱，昨日，天文台錄得今年最熱氣溫34.6度，黃大仙更達37.1度。真係會熱死人。好難想仲有人會搵命博走去行山，最哀既係。佢出左事，有要人搵命博去救佢!!...唉!
呢兩日天氣酷熱，我就要同老婆返深圳寄野返鄉下。深圳氣溫比香港仲要高，又熱又多人...
真係難頂!!個個都去按摩，連按摩中心都爆滿，要o係按摩中心既大廳訓左一晚!!大廳又多人，冷氣都唔多夠，未試過咁辛苦!!
第二日，下午返香港，由上水搭巴士去青衣，冇乜位要坐車胎上面個位，好似火爐咁!!架車仲多人到去到青衣我都搵唔到第二個位坐.......
返到屋企，諗著嘆下冷氣，一返到去，爸爸就話我個仔好noisy，要我帶個仔落街玩!! 唉.....對呢個屋企，我好似只有義務冇權利咁!!帶個仔落街玩，咁熱當然去商場喇!!但最哀既係人人都係咁諗呢，去商場嘆冷氣好過俾錢屋企嘆冷氣，於是，從未試過東涌既商場有咁多人，又係多人到好似冇冷氣咁!!個仔仲要好開心咁走黎走去......我虛脫...
返到屋企，終於可以停一停，我訓左o係地下，都冇力起身，但個仔又要爬上黎玩..... 於是，又玩，訓左o係地下都要玩。如果我有個仔一半精力就好喇!!
食晚飯，都冇心機食，食得半碗，但總算休息左一陣，回復左少少體力，又係要消耗既時候 – 帶個仔落街玩!! 又走黎走去跑呀跑!!佢一日真係跑幾公里，我同老婆諗緊到底俾左D咩佢食，佢時時刻刻到處於興奮狀態，有用不完既體力，又唔使訓......
唉!!咁熱既天氣仲有幾多........