政策

乜公司既政策，有改變係唔需要同職員交待架咩??
話說，入黎呢間公司既時候，正常收工既時間之後就當O.T.。夠四個鐘O.T.就補半日假。兩年之後，公司縮骨，O.T.由八點先開始計，夠四個鐘O.T.就補半日假，但過十二點就當另外一日計。例如你今晚八點O.T.到零晨兩點，咁由八點到十二點夠四個鐘當半日，由十二點到兩點得兩個鐘，唔夠四個鐘唔計!! 六個鐘O.T.得番四個鐘補假。如果由十點O.T.到零晨兩點，你就乜都冇。如果你係收工一路直落，六點O.T.到零晨兩點，八個鐘O.T.都係得番四個鐘補假。
上星期試野收工一路直落O.T.到十二點幾，填O.T.人事部唔批，理由係O.T.改左九點先開始計。下?? 邊個話架?? 乜公司既政策你話點就點架咩??O.T.改左九點先開始計竟然全公司都冇人知?? 呢D咩政策黎架?? 九點先開始計，到十二點得三個鐘，唔夠四個鐘又唔計，咁即係零晨先開始計喇!! 擺明搵笨!!
咁多人死又唔你死喎!!