八府巡案

話說邊關有戰事，皇上派出國家既大將精兵到邊防迎戰。但皇上又唔放心呢班大將精兵會唔會用心作戰，於是警告眾將士，叫佢地醒醒定定俾心機作戰，話皇上佢自己隨時會黎突擊檢查，睇下佢地有冇偷懶，邊個偷懶殺邊個。本來大將精兵為國上戰場作戰，邊個會偷懶呢?? 皇上以為呢一招可以刺激將士勇敢殺敵，結果大家未出戰已經士氣受損。大家覺得既然皇上唔信任佢地，咁就唔好派佢地上陣喇!! 國家又唔係冇人!? 皇上乾趣派自己信任既人上陣好喇!! 結果將士們帶著底落既心情上路。
更甚既係，到邊關突擊檢查，皇上又驚危險又怕路遠。想想下都係唔去，但又唔係好放心。於是派出最信任既手下 -大宦官銀公公做八府巡案，代皇上突擊檢查呢班將士。當呢位八府巡案到達邊關，佢只係o係府中休息，半步未離開個，更加未睇過呢場戰事一眼。
戰事完畢，皇上認為八府巡案監視將士功勞最大，高度贊賞!! 一眾將士即被批評未做到完美。下一次要做得更好，如果唔係? 殺無赦
故事既皇上似唔似亡國既昏君??

呢個時代真係…..