Youtube文化

自從有Youtube之後，好多好多片睇，你會發覺好多好奇怪既事發生既同時亦俾人好拍底俾你睇。呢個世界原來咁多人隨時隨地都準備好拍片，被拍既人，無論行為幾咁衰，佢都唔會阻止你拍既。咩「巴士呀叔」，「新巴士呀叔」，「巴士四眼仔欺負82歲老翁」，「荃灣粗口垃圾虫」，「吉之島串嬸」…等等。個個都賤到爆
，但個個都有高hit rate，再唔係將條片交俾電視臺仲有錢收。連報紙都日日話你知今日Youtube有咩睇?? o係咁既環境之下，到底Youtube睇到既片，有幾多係真，有幾多係為博出位做出黎架呢?? 無論真定假，一種壞風氣已經形成。
仲有，今時今日既報紙，竟然可以抄網誌(blog) 同討論區別人既說話黎刊登…唉!! 話唔定有一日你會見到小小力既作品o係報紙出現架!!