經一事，反一智

知唔知咩係尿兜?? 係放o係男廁用黎俾男士小便既潔具，一般都係小便之後會感應你離開而自動沖水。話說某幣公司引入一種環保尿兜，點環保法?? 係唔洗沖水既，咁就節省左用水喇!! D小便由去水喉自然流。流唔走既以前由水沖走，依家呢?? 呢隻環保尿兜係唔洗沖水架!! 勁!! 係用人手去抹!! 即係呢，你柯完尿，就要搵個呀叔跟手走去抹，你話幾咁衛生，幾咁環保呢!! 小小力突然間諗，點解唔柯落地姐，柯落地之後都可以搵呀叔跟手走去抹，連尿兜，去水喉都唔洗裝!! 仲好喇!! 呀!! 唔知呀叔抹完尿塊布會唔會走去抹洗手盆，抹座廁呢??
話說某幣公司為左環保，為左節省用電，o係廁所安裝感應系統，當你開門入廁所先至著燈，燈著左一段時間就會自動關燈! 避免冇人既時候浪費電力，以下係某幣公司老板同佢超低能手下既一段對會：
老板：「一個人去廁所去幾耐會去完?? 」
超低能手下：「下?? 個個人唔同架喎!!」
老板：「你估喇!! 」
超低能手下：「下?? 咁十分鐘喇!! 」
老板：「邊洗去咁耐呀，五分鐘乜都柯完喇!! 」
超低能手下：「下?? 咁柯唔完係唔係都會自動關燈架!! 去去下廁所突然間冇燈好驚架喎! !」
老板：「唔洗驚，有個motion sensor係度，只要佢有動作都唔會關燈!! 」
超低能手下：「下?? 咁如果佢冇動作呢?? 」
老板：「點會冇動作!! 」
超低能手下：「下?? 老板，我去廁所坐左o係度真係冇乜動作架喎! !」
老板：「你低能姐!! 」
超低能手下：「下?? 老板，請問你坐左o係廁所會有咩動作架?? 」
老板：「……多事!! 」
超低能手下：「老板，請問如果個廁所成日都有人出出入入，幾時先會關燈節省用電呀? 」
老板：「廁所關門既時間!! 」
超低能手下：「老板，請問廁所關門點解唔關燈呀?? 」
老板：「………多事!! 」