反複不定

Mock Exam改期，延遲一星期，突然感覺放鬆好多，多番D時間準備。
但都係冇乜信心。
近來天氣反複不定，好多人都病左，每日都差不多有兩個同事請病假。人手更不足!
昨日放工，竟然同同事豬姐傾起黎，講起公司將可能發生既人事變動。其實，世界真係有永遠既朋友，但冇永遠既敵人。
公司繼續請人，我做左個最短既interview，見工既只係講左一句：「人工太低我唔見喇!! 」乜外面真係咁好景咩!!
政府賣地，竟然俾「大好友」買左，真係大件事。事關「大好友」出名冇眼光，次次高賣低買，次次佢開始做大投資個市都開始衰，又睇下今次點??
心情同天氣一樣，反複不定。
想買SunMin (善敏，韓國人) 隻新碟，同以往一樣，買唔到。香港 - 只可以買商人想賣既野!! 被迫隨波逐流。
個人懶洋洋咁，總係提唔起勁。唔通真係「春天不是讀書天? 」

註:
「春天不是讀書天，夏日炎炎正好眠，等到秋來冬又至，執埋書包好過年」