貔貅館

相信跟團去個台北，都會去過貔貅館，幫你睇吓名，睇吓命，叫你買吓貔貅防身咁。今次去台北，都有去，同太太俾人批吓。(買貔貅就冇喇！咁貴！）

師父話我，命同名都五行齊備，唔洗帶貔貅，運在晚年，運到前好多小人好多事故，一事無成。雖然五行齊備，但火較弱，所以膽子較少，有才華但冇人欣賞，不能屈於人之下，所以要做老闆而不要打工，發達要都外地。人做事比較按步就班。命裏要受三刀(做手術。三刀，我剛好做過三次手術。）

師父話我太太名好，命裏五行欠水，一生要受好多刀，脾氣暴燥，但有偏財運，偏財唔係橫財，唔係賭運，係做偏門。

我倆命都算夾。咁巳經好好喇！

我都唔覺自己有才華，亦冇諗過發達，只希望身體健康，平平安安就算喇！

P.S.師父話名兩個字筆劃數加埋係9或13就係好名，咁啱，我同太太個名筆劃加埋都係13。如果加埋係10，20，30等，就係兇。信唔信？