政府的宣傳

有日，同太太返大陸，見到D政府宣傳橫額，「嚴打色情毒品活動」，「文明公安」。

我在想，政府的宣傳，即係話相反嘅問題好嚴重。

商場有「嚴打色情毒品活動」橫額 – 即係話你知呢個商場有色情同毒品活動，唔識路都搵到!!

「文明公安」– 即係話你知有D公安做事真係唔係幾文明，你有冇見香港有「文明警察」 橫額??

諗返香港，近幾年，真係多左好多宣傳片，你見政府宣傳片講D乜??

「向毒品說不」– 即係話毒品問題好嚴重。

「求學不是求分數」– 即係話依家大家求學都只係為成績，冇興趣追求知識/學問!!

「日日記得2+3」– 即係話香港唔多食蔬/水果!!

「今時今日咁嘅服務態度係唔夠嘅」– 即係話香港嘅服務態度/水平正在下降。

「香港人好客之道」– 即係話香港人對旅客真係差。

「辦法總比困難多」– 即係話香港人心靈好脆弱，面對問題都冇法解決。

「愛家人」– 即係話香港人連關心家人都少。

「共建和諧社會」– 香港社會已經不再和諧。

「醫療改革方案，唔好諗咁多，睇啱就上!! 」– 即係話大家都睇唔啱!!

「鼓勵打人類豬流感針」– 大多數人都唔打!!

「熱愛基本法」– 一個人點會「熱愛」法律嘅呢???

今時今日，香港政府宣傳片之多真係歷史高峰，你話香港好唔好呀??