差少少

歲半，BB又要去健康院打針。佢真係叻仔，打針完全冇喊! 之後，做過成長評估。護士話BB既成長進展理想。肥瘦適中，而且智力既進展比較一般BB快!! 護士已經俾左3歲BB既進度我參考。睇返3歲BB應該做到既，我BB有一半已經做到!!
其實，我BB雖然未識講嘢，但係佢明哂我說既嘢喎!!
BB打完針返屋企，
我問:「BB去左邊呀??」
BB:「吉...吉....吉!!」
我問:「係呀!!打針!!吉邊度呀!?」
BB摸住隻手臂:「呀....呀....呀...呀!!」
我問:「打手臂呀!! 痛唔痛呀!!」
BB點頭好大聲:「呀....呀....呀...呀!!」
我問:「痛呀!! 咁重打唔打呀??」
BB大力搖頭 :「呀....呀....呀...呀!!」
係囉!! 佢完全明哂架喎!! ...講嘢可能只差少少!!