野係多左D野做，一日三幾樣野做咁囉! 都係D芝麻綠豆既小事! 係多左 好多人搵我，但係都係D人事衝突爭執!!counselling工作多過engineering!!
日日番屋企食飯，成個月除左去飲同番學都冇出過市區。 咁多年都未試過咁平靜!!假日，仲有時間睇下東涌既景色，踏下單車。(實在太耐冇踏單車，第一次載太太就炒車)
多左時間o係屋企,BB真係多左跟我,依家仲日日叫「爸爸」唔叫「媽媽」!
呢d係唔係叫做幸福呢?
有人話當你感覺到幸福既時候,你就得到幸福，因為幸福其實一直在你身邊,只 係你冇時間去留意同珍惜!!
朋友,你幸福快樂嗎??
8 則留言:
我覺得幸福快樂呀 ^^ -迷人
好好享受
我都好幸福.^^轉左份新工
恭禧!! 丸轉左份咩工!?
But,年尾轉工好蝕喎!!
轉左幾個月ed. 之前o個份執左笠. 搵左份政府工.^^
嘩!!呢個時勢搵到份政府工真係恭禧恭禧!!
咩政府部門呀??
政府請人唔係要一年半載咩???
我都好想搵到份政府工呀!!
^^丸好彩o者. 辛辛苦苦捱左五年. 終於苦盡甘來. 我都好開心！
其實係份工好近我屋企，有車搭的話, 十來二分鐘返到屋企,而且老細同同事都對我好好. 好有禮貌！雖然有好多skill我之前唔多熟. 趁呢個機會學佢一學. 仲抽到獎.^^
發佈留言