一年

媽媽:
好快，你已經離開左接近一年上你幾好嗎?
我開始明白你生前點解咁勞氣!屋企人，個個要求多多，但叫幫手就個個企o係度批評，呢樣唔得o個樣唔好，但冇人會幫你!
算喇!!我都係冇得選擇!!哈哈!!
你生前希望我離開時代呢間公司，我終於都離開左!而且o係機場搵到份工，人工高左，時間多左， 仲冇D仆街大老細，真係好!最近聽聞之前大老細開始折墮，估唔到咁快!好開心!
你離開以後,你個孫永強出世喇!!你唔使擔心，BB唔似我身體咁差, 佢好健康, 好活潑!早兩日仲學郭晶晶跳水，不過跳落地.....
放心喇!冇事既!俾D相你睇下......!!





雖然你已經離開左我地， 但你永遠都o係我地心中!
兒子上