小霸王

朋友既ＢＢ都相繼出世，大家都好順利健康，恭禧哂。睇番朋友ＢＢ既相，覺得我Ｂ仔真係好細粒。而且，可能係遺傳，人地個Ｂ仔好多頭髮咁 既！
初初Ｂ仔出世，家人都以為佢好文靜，唔多喊架，就算喊都細聲過人。 咁就錯哂喇。嘩！依家幾鬼大聲，唔係喊，係叫，叫得好大聲， 唔知乜得佢咁開心呢？ 而且仲好惡，又大力！太太帶佢落街同其他師 奶吹水，佢一手捉住人地個Ｂ仔件衫抽起唔放，怒啤人地，好似黑社會咁，人地個Ｂ仔既家姐成五六歲都拉佢唔開，喊住叫媽媽。唉！！ 真係小霸王！
人地話佢似我，我覺得佢似我媽媽。