不斷在變

變-係新公司既同特色。可能害怕員工起飛腳，又或者好理想咁希望每個人一埋位，無論咩工種咩場所咩職位都應付自如！！因此，公司既結構／ 職位每兩年會 大執位，每年會小執位，而且唔同層既同事會唔同時間執位，結果係每個同事都 要面對不斷在變既拍檔。
舉個例子，星期五公司宣佈小執位，今次執經理同副經理。原來我老細既副經理 同我講佢又「歸位」喇！！點解呢？佢三月先調過黎，七月就要調番去原來既東九 龍辦公室喇！另一個請我既經理，我試用期都未過佢又調走喇！都唔知邊個同我做 appraisal!
另一個例子，有日突然間有個技工調黎跟我，第七日老細叫我同佢做appraisal!人都 未睇清楚就做appraisal!唔係嘛！！Okay!! 第七日我同佢做左appraisal! 點知第八日呢個技工已經被調走!! 唉！！ 個個場既officer都話唔會教新人，因為個個人都未認 得已經被調走！！
唉！！ 咁既制度之下，公司根本冇辦法培育新人，大家既工作效率亦極底，我每個星期都要對新同事，點做？
當做左十年以上，走哂咁多個場既老員工離去，公司就會青黃不接！
至於我呢Ｄ半路加入既，更加唔留得耐喇！！ 所以點解我呢個位兩年走五個囉！