早知今日

放假，目的係考試！
考試，見到份試卷，滴汗。如果份份卷都出都咁深，合格率會好低！
算吧喇！一科考完，下一科又開始，諗咩呢！！
朋友打電話俾我，係大陸做間廠摺埋，老板走左，連人工等等都追唔番。一個總經理要o係香港搵過份工都幾難，話哂o係大陸做左十幾年。於是朋友同幾位朋友決定用埋Ｄ老本黎創業。咁講，我地呢個年紀，話大又唔係好大，話細唔係細，但o係呢個打工好過做老板既年代，用埋Ｄ 老本黎博一博，小小力自問冇咁既膽量！
小小力冇心創業，亦冇心上位，只係想盡快退休，多Ｄ時間陪伴家人，培育下一代。
小小力同自己講， 有五百萬我就會退休！希望五十歲前做到喇！其他乜都唔諗！
番工，壓力真係好大！
考完試，前手下打電話俾我，話舊公司真係好唔得，依家舊大老細要佢 地個個都輪住上山頂幫老板間屋做野！個個都話要辭職唔做咁話！話姐，試過上次大家一齊辭職又彈弓手，依家無論手下有咩不滿，大老細 都唔會理喇！！
早知今日，何必當初呢？