長隆初體驗

2012年復活節假期，同太太囝囝去番禺長隆野生動物園玩2日，期間再加插睇馬戲。全個行程連食住玩交通購物總共用了六千多港元。有人會話一家人的快樂無價，值唔值就真係見人見至。

由於是復活節假期，是香港銀行假但不是大陸假期，加上兩日是星期日及星期一，交通暢順。整個旅程食住玩都唔多人。

住宿環境方面，空氣清新，活動的地方很多。但酒店服務只係普通，酒店單張冇清楚介紹酒店有乜設施，什麼活動要收費，收幾多，浪費時間去搵去問。酒店服員都唔清楚酒店有什麼設施，有冇櫃員機唔知，馬戲表演場地有冇嘢食又唔知，表演時間又亂，入口寫七時半，票務員話八時。坐車地點又唔清楚，一個話左邊一個話右邊。服務水平遍低。

膳食水準一般，但價錢就同香港迪士尼差不多，自助餐250玩人民幣一位，小童150，另加15%服務費。三個人差不多一千港元。就算普通中餐都三四佰人民幣。出巿區食又路遠。冇啖好食。

馬戲團500玩人民幣三個，很精彩，絶對值得睇。

野生動物園，地方大動物多，地方清潔，算管理得很好。但野生動物，已經被養到會知鐘數進食起身。有型無實似寵物。另外，精品質量不差，比香港海洋公園要好得多。

總結，帶小朋友去睇動物都值得去，畢竟香港都冇野生動物。但也可考慮台灣的台北木柵動物園。