潮濕

有好多年天氣都冇試過咁潮濕，屋外走廊地面同牆身日日都濕哂，好似剛剛洗完咁!! 全屋牆身同天花都起哂黑色嘅發霉，真係好似鬼屋咁!! 於是星期六，同工人同稀釋左咁漂白水抹牆身同天花，清潔之後，屋企都光返好多!! 但用漂白水抹過，牆身同天花可能會開始爛，年尾可能要預返筆錢裝修一下，畢竟都已經住左十二年，而且仔仔都開始大喇!!
除左屋，人都周身唔舒服!! 訓又訓唔到，人又容易煩躁，仔仔個身同嘴都出左好多粒粒!!仔仔都發脾氣，要開冷氣先訓到覺。
希望潮濕日子盡快過喇!!