海洋公園

少說已經有二十五年冇去過海洋公園。那個時候，海洋公園只係俾你睇海洋生物，係冇機動遊戲架。亦因此，當時o既海洋公園好冷清，冇乜人去!! 叫香港人為求知去睇海洋生物，你慳返啖氣喇!!
今年聖誕，決定左一家人去海洋公園。因為如果去迪士尼，仔仔就好悶!! 去海洋公園，仔仔起碼可以去睇下貓熊睇下魚。
聖誕日，未到十點已經到海洋公園，無論搭車買票都唔多人，可能因為大多數人平安夜玩得太夜未起身，整個上午都冇乜人!!
依家o既海洋公園真係大，尤其係佢依山而建，一個場地去另一個場地又冇交通工具接駁，o係個山度行上行落你都幾係嘢，再加上帶住BB，半日已經散哂!!
太太被個女帶去玩過山車，嚇到喊!! 唉!! 你估仲年紀細咩，嚇一嚇，我驚冇命落返黎呀!!
結果我玩左D乜?? 我乜都冇玩過!! 咁係唔係好唔開心?? 唔係喎!! 我見到佢地咁開心我就好開心架喇!!
除左玩機動遊戲，就係睇動物。仔仔見到大貓熊小貓熊就好開心，不停叫「貓貓」，俾佢睇下真正o既大貓熊，唔係仲好過睇相睇圖睇電視咩?? 至於海洋生物，太多人唔係睇得好多，但睇到仔仔都好開心!!
最後，睇左個冰上匯演，好精彩!! 但開始冇幾耐，BB已經訓著囉!! 希望下次可以再去喇!