樓市

呀弱智特首話佢係唔會理豪宅市場。豪宅價格不斷升，唔會影響一般住宅既樓價咩?? 同一塊地，起普通樓同起所為豪宅既建築成本差唔多，但收入就差得遠。只要一日豪宅市場有足夠需求，就算有再多既地D發展商都會偏向起豪宅或者包裝成豪宅出售。一般有置業需要既人仕將會越黎越難購樓。收緊按揭並唔係理想解決方法，因為大家心知肚明，大多數買豪宅既都係有錢人，佢地根本唔做按揭。加大土地供應亦係於是無補，有再多既地D發達商都會起豪宅，只會增加發展商收入。

小小力覺得，一方面政府要恢復興建居屋，增加樓宇供應。另一方面可以對豪宅抽重稅(類似中國大陸對進口車收100%稅，結果冇乜人買進口車)，如2000萬樓買賣抽10%稅，3000萬樓買賣抽20%稅，5000萬樓買賣抽30%稅。一來打擊需求，二來增加炒買成本，減少炒風，三來可以用所得稅收幫助首次置業人仕。

當然，work唔work，我真係唔敢肯定!! 但相信已經好過特首份施政報告。