港女

有日番大陸按摩,聽到有幾個港女同按摩場職員口角,...事情係咁既..
話說按摩最少要做兩個鐘,最底消費就係兩個鐘錢。呢位幾個港女,做左一個鐘要走人(相信佢地早打算做一個鐘,因為當時已經十一點,再唔走過唔到關!!)
到俾錢既時候,佢地只係俾兩個鐘既一半錢!!咁職員同佢地理論,話有最底消費兩個鐘...
港女既第一句係乜?? 大家都應該諗到....
港女:「叫你經理既見我!!」
小小力心想:「真係呀豬呀狗都話要見經理!!」
經理黎到...
港女:「我按摩左一個鐘,點解要我俾兩個鐘錢!!」
經理:「因為我地按摩最底消費係兩個鐘!!」
港女:「點解你地唔早講!!」
經理:「我地門口有寫!!」
港女:「我唔識字!!」
經理:「你咁講我地冇辦法」(似暗示報公安)
港女好大聲講:「我唔識中文,淨係識英文。」
小小力心想:「你話唔識簡體字都仲好D,身為中國人,o係中國人既地方,用中文(廣東話),大大聲好proud咁講自己唔識中文淨係識英文!!幾咁羞恥!!」
經理:「我地門口有用英文寫!!」
小小力心想:「經理好野!!」
港女:「我要睇日文!!」
小小力心想:「正仆街!!」
經理:「你咁講我地冇辦法!!」
港女:「我地唔係唔俾錢,你俾個合理既理由我我o米俾錢囉!!」
小小力心想:「消費完俾錢都唔合理??下次我o係香港外出食完飯,叫個經理俾個合理既我我o米俾錢囉!!不過要我俾錢所有理由都會變得唔合理!!」
經理:「小姐你咁講唔通喎!!」
港女:「好!我俾!!我識上網架,番到香港我唱衰你地,以後都冇香港人黎!!」
小小力都係香港人,都感覺憤怒同羞恥!!太太話唔係趕時間,實走埋去打佢兩巴。