雨季

今年雨季好似黎得特別早。本來好喜歡落雨既感覺，但年紀越大，漸漸變得越黎越唔喜歡!! 唔係因為心境變左，而係身體機能轉差。「年紀大，機器壞」，每次番風落雨，手腳腰都痛到訓唔到!! 咁，原本幾好心情都變壞喇!!
過兩日就考完試，有三個月冇書讀!! 習慣左衝衝衝忙忙忙既日子，突然間有種空虛既感覺。暑假，要適應番慢同靜既生活，過番以前o個個乜都唔諗，乜都唔做既生活!!
天，繼續落雨。感覺，像回到從前，想起在大學窗邊望雨景既日子!! 好平靜!!想著想著，疼痛好像慢慢消失!!