不負責任的幕後教師

今日考完Statistics既Mock Exam。
俾我感覺負責Statistics既幕後教師（英國那個）係一個不負責任的 幕後教師，原因係：
課程基本上係一個遙距課程，大家學習係根據一書Study Guide去讀(本Study Guide通常都係呢幕後教師所寫既)，再配合Past Exam Paper同Exam Answer+Report，教科書！
咁，點解我感覺佢不負責任呢？
第一， 呢一科又唔係一科新科目，但本Study Guide錯到九彩，點 解咁多年都唔改？懶！
第二，(Statistics) 統計學係一科計數既科目，但本Study Guide裡面所有要考（或會考）既數都冇例子，試問要自學，你睇Study Guide點會識？
第三，Study Guide練習題，全部都冇答案，咁你俾練習題我仲咩 呢？做左邊個話我聽我有冇做錯呢？
第四，Past Exam Paper又係冇答案既，份Exam Answer +Report仲氣頂，每一題既答案基本上都係：「呢一題答到既同學唔 多，答唔到既就好多，答到既有好高分，答唔到既就好低分，學生同教師都要向正確既方向努力！」你睇完有咩感覺呢？
第五，今日考既Mock Exam，就即係舊年份考試券．．懶到出過份券都 懶！！
唉．．好似驚死D人考到咁！！