多多得罪

從朋友既BLOG節錄左呢段出來 .........

「我人生既目標只是幸福的跟自己既男人生活下，去有一份穩定的工，久不久吵吵交, 鬥鬥咀。最後他總要輸給我，就是最初嬴了，後來也要故意輸給我，要服氣的~ 順氣的買禮物來哄我。就是這樣無論在甚麼地方, 無論在甚麼時候，就我們2個人吵吵鬧鬧的。
我病了，要吃藥，吃得慢, 不肯吃, 你都要罵我，我發脾4你要跟我一起發幾分鐘, 然後哄我。我做錯事, 你一定要罵我2句, 讓我良心好過一點, 然後一聲不響幫我執手尾 (<-呢個情況應該會經常發生)你做錯事, 要俾我打, 仲要俾我狠狠咁罵, 之後叫我原諒你, 仲要好誠心咁講對唔住」
除此之外, 每年生日都要有特別安排.唔一定要要非常隆重, 但至少要俾我見到你係花過心思去想我開心.另外, 生日禮物要花心思. 我唔介意價錢, 但唔可以求其 ~ 仲有, 得閒就要陪我出去四周圍食野. 我肥左你唔可以好直接咁話我知.同埋, 我好鐘意係條街度漫無目的咁行, 行都迷路. 你要陪住我, 然後係我想走返出去返屋企果時要識路.
我發脾氣果時唔可以阻住我發脾氣, 即使係我錯~發脾氣期間唔可以頂我咀. 唔可以走開, 直至我發完脾氣.之後你要糾正我都要係我條氣順哂先講.
仲有就係, 我唔識執屋同煮飯, 所以唔可以話我唔識呢兩樣野.但當我好俾心機咁煮左餐飯出來~好難食都要食哂佢.
我只係希望, 平平凡凡 ~有一個, 佢愛我多過我愛佢既人陪我一齊過.有自己既屋企, 收入stable.可以俾我一年去一次旅行 ~ 同埋得閒亂買下野.

我相信，說這段說話的，未夠三十歲！至少思想未夠！
我相信，如果大多數女士都有這種想法，她們會感覺現實多殘酷！
我相信，如果現實真的有這樣的一對男女，我感覺唔到這位女士有多幸福，但我感覺到這位男士有多「廢」，冇Ｄ性格，人生還只為 了一個女人而活嗎?你似奴隸多過似人!愛是這樣嗎?
各位女士，如果這真是你心中所想，請恕小小力多多得罪！