超低能 ，勁搞笑

睇過以上片段，「超低能 ，勁搞笑」 - 你覺唔覺得好笑?? 我第一次睇覺得好幾笑，之後就唔敢笑喇!! 尤其係當我見到身邊既小朋友都係咁語言無味，詞不達意，知識貧乏。想講既野唔識表達，黎黎去去都係o個幾句「超低能 」，「勁搞笑」，「潮爆」，「爆XX」等講左都唔知係咩既中文。關於知識，以下係我同一個十一小朋友既對話。
小小力：「小朋友，你知唔知四大文明古國係邊四國個家呀?? 」
小朋友：「我知!! 」
小小力：「咁係邊四國個家呀?? 」
小朋友：「….. 越南!!」
小小力：「下?? 唔係喎!! 」
小朋友：「我知架，日本!! 日本D野好好食架!! 」
小小力：「下?? 唔係喎，文明唔係食野喎!! 」
小朋友：「我知我知，係巴黎!! 」
小小力：「下?? 巴黎唔係一個個家黎，係法國既首都!! 」
小朋友：「點解你唔問我埃及既首都?? 我知呀!! 」
小小力：「咁埃及既首都係咩呢?? 」
小朋友：「我知我知，係羅馬!! 」
小小力：「………」
我記得我小學已經知四大文明古國，到底係唔係我對小朋友要求太高呢?? 呢個小朋友已經係一間出名小學既優等生。佢既功課好高分，但佢根本上唔知自己做緊乜，因為係補習社幫手做………
生唔生小朋友好呢??