近狗者黑

那些風水師個個都話今年屬狗既人會好。但我就唔覺喇！一踏入豬年，真係衰到呢．．．先係冇左呀Ｂ。又病，咳到依家都未好（其實我好 少咳，幾年都唔咳一次）。股票一重手入市就股災，輸到呢，我都未試過欠銀行咁多錢。 豬年六合彩咁多期，期期買二十幾個字都未中過一個字。趕返工o個日就機場壞左巴士o係路中心，令所有由機場出黎既巴士都出唔到黎，係住o係度十年都未試過！！明話唔知我黑定佢黑，咁，又有咩分別呢？我同佢都係屬狗既！！

其他呢?屬狗既同事，女同事又係病到死下死下，又係輸股票。屬狗既男同事，向來好運， 但最近同人打麻雀，竟然俾人叫做「邦邦銀行」。

記得好多年前，那一年有病，入醫院，又被裁員，失業，家中又有人突然過身。那一年，又係話屬狗既好好，於是媽媽帶我去睇風水師/相士。那人話，屬狗既那一年好好，但我例外，我會被唔係屬狗既更衰。 結果中哂，那一年我屬狗既朋友個個都好好，除左我！
第二年，所有人話屬狗既唔好， 咁，我係唔係例外呢？錯！今次冇例外，衰既一定有我份，結果又中哂，那一年我同屬狗既朋友齊齊衰。

有一年，去臺灣，找了一個名士，出名睇名字同命格，他說我名改得好好，但命格受唔起，都係算吧喇！

到抵屬狗衰，定係我衰，令近狗者黑呢？