再談最底工資

剛剛睇到新聞標題「香港最底工資有望明年實施 傾向時薪訂為24元」。

唉!!訂立最底工資，目的係保護社會上最基層既低收入人仕。時薪24元?? 以正常一日做9小時，一星期6日，一個月得$5200，有咩用?? 俾人既感覺係為做嘢而做嘢!! 呢班底收入人仕，如果要維持生活，就需要超長時間工作。例如每日工作14小時，月薪就有$8064!!但社會上咁多人長時間工作，就會引發其他社會成本(Social Cost)，如因為較容易病而引起既醫療成本(Medial Cost)和冇法照顧家庭而引起既社會福利成本(Social Welfare Cost)。

之前講過，最底工資解決唔到問題，因為商人必定將成本轉嫁。到頭來最受害既仍然係最基層既低收入人仕。

小小力覺得，減輕問題既方法可以從兩方面入手。

供給方面(Supply Side)，即工人方面，可以做多D寬減保貼，例如偏遠地區交通津貼(有D偏遠地區既既低收入人仕大部份人工用左黎搭車)，租金津貼(底收入人仕偏大部份租住)，電費津貼(生活必須)，開工津貼(按工作時間發津貼，近似勤工獎，鼓勵有能力既人多勞多得，唔好靠公援)，等等。

需求方面(Demand Side)，改善經濟固然可增加職位供給，對於一D低收入職位，如清潔工，政府可以大量自己開職位，用一個高於市場既價錢，例如時薪33元。抽走過多既勞工供。

小小力只係想，唔知係唔係真係行得通，但我相信總好過乜都唔做。

資本主義令社會進步，但極端資本主義會引至資產價格急升，消費主導，人民會跟唔上生活步速，貧富懸殊，影響社會穩定。社會主義較公平，但令人民不事生產，極端社會主義更容易變成極權主義，同樣影響社會穩定。一個較理想既制度，係一個混合而稍稍偏左既模式。