爛片兩套

終於，真係去睇左《2012末日預言》。冇報紙講贊中國人/靠中國人講得咁誇張。世界末日，又係大量電腦動畫，爆呀爆呀!! 冇乜啟示亦冇乜故事可言，反而好多唔合理既情節。係一套睇電腦動畫睇足300分鐘既電影。俾50分。
又睇左《旺角監獄》，都係因為太太鐘意睇張家輝。張家輝扮演精神分裂症既主角其實演得好好!! 但又係黑社會，唉!! 又唔知故事想表達D乜，又係o個個舊概念，一切唔合理既情節都可以解釋 – 因為主角有精神病，精神病人諗嘢唔合理係好合理既!! 唉!! ...而且，拍精神分裂只有一種方法，即係《有你終身美麗》o個種表達方法，照抄。套戲全冇創意，俾40分。P.S.全院計埋我地得7個人睇。