神秘家族

星期日，去拜媽媽，同爸爸講起我呀爺，先至知呀爺原來係五兄弟姊妹。之前既三十幾年我都認為呀爺係三兄弟姊妹，到今日突然標兩個出黎。唉!!
爸爸就係咁，佢講嘢亂哂籠，記憶又亂哂籠。一時又話自己打仗既時候同呀嫲走難黎香港，一時又話黎香港已經打完仗，一時又話唔係黎香港係去澳門。唔係老左唔記得，我細細個佢已經係咁，好似佢依家話呀爺有個家姐，即係佢姑媽。咁我問佢姑媽叫乜名，唔記得!! 唉!! 其實，佢連自己幾時出世都唔清楚!!! 一時話自己一月生日，一時又變左三月，又咩新曆舊曆....新曆舊曆點解會相差成兩個月?? 叫佢寫底我去跟，唔寫!!
到底有咩秘密!!?