訴苦

上星期，恒隆既舊同事打電話俾我訴苦。o係我離開唔夠一年既時間，佢已經被安排調左兩次site，再話佢唔掂調返原位，大半年走片全九龍....做物業管理個場都未睇清楚就要走點做!! 佢俾人話佢唔掂係因為佢覆e-mail覆得慢!! 唉!! 個個場都冇電腦，公司又要求你覆e-mail，咁你o米返屋企覆囉!! 但日日二百幾個e-mail，你唔訓都覆唔哂!! 佢話好多同事都出左部iphone，o係街都一路覆e-mail。 唉!! 我覺得算吧囉!! o係呢間公司，無論你點努力點好，最後都係得一個結果 – 你唔掂!!

佢仲話大半年前我仲o係度o個時D同事都走左九成!! 唉!!咁係應該既結局喇!! 我興幸自己走得快!!

繼續訴苦，佢話公司最近買左幾部新notebook做presentation，未用放左o係server房，點知第二日，有賊仔食lunch既時候尾除同事入左office，去左server房偷走左o個幾部新notebook!! 舊同事被老細鬧，話大廈管理做得差!!

我就覺得，一次巧合係巧合，一次以上既巧合好大機會唔係巧合咁簡單!! 咁啱買左新notebook就有賊仔，咁啱有賊仔尾除同事入左office同事又唔發現，咁啱個賊仔乜都唔偷淨係偷notebook，咁啱個賊仔又知新notebook放o係server房，咁啱賊仔偷完嘢走返出去又冇人見!!
難得又冇人覺得係內鬼!!

如果係巧合，除左抵死，仲有乜好講!!