快將離開呢個時代，終於開始冇野做，可以清一清自己野。
執卡片既時候，發覺原來呢八年來都識/見過好多人，卡片都四五百張。雖然好多都已經冇聯絡，但睇番一D舊卡片，發覺卡片背後有好多不同故事。睇住有D人同一個名但係有幾間公司卡片，八年來不停轉公司，越轉越高級。有D唔單只轉公司，仲轉埋行，最奇既仲係轉左行都仲有合作。有D自己創業，仲係行內打聲名堂。打工既，有D位高權重，但一剎那竟然人間蒸發，當中有人惹上官非，有人避債消失，有人光榮引退，有人黯然下台，更有人與世長辭。卡片裡，有好多有料之人，但更多冇料扮代表，竟然有人新上位，剛剛派完卡片就被辭退。派卡片既人又來自世界各地，有美國CNN既記者，有日本公司既社長，工程師，政府代表，有荷蘭既工程師，有韓國既電信商，有西班牙商會代表，有法國使節，有非洲既音樂人….仲有好多好多。
八年來，公司俾我好多機會同各式各樣各層既人接觸，交左好多朋友，亦令我變得更加外向，見識更多。本來好喜歡呢份工，可惜…………
最後，保留左百幾張卡片作紀念…
沒有留言:
發佈留言