問題所在

太太住院期間，正值流感高峰期，醫院嚴格實施只准兩個人探訪。小小力進入病房前，被一個青年人欄住，要問我幾個問題同登記。流感高峰期，小小力都明白亦合作。小小力以為佢問我有冇發燒/有冇流感/有冇外遊之類既問題，點知佢問我既三個問題係....
青年人：「請問BB係你邊個?」
小小力：「BB係我個仔!!」
青年人：「請問BB既媽媽係你邊個?」
小小力：「.....BB係我個仔，咁我咪BB媽媽既老公囉!!」
Okay..我未必BB媽媽既老公架嘛!!
青年人：「請問你係BB媽媽既咩人?」
小小力：「.....你話呢!!」
....呢三個問題，同流感高峰有咩關係??就算係保安理由，咁既問題都真係有D問題!!香港既醫療制度真係有問題!!
入到病房，太太話個青年人係學生黎!!
原來香港既教育制度先係大問題!!