我相信，終於，有其他新聞取代藝人不雅照片做頭條。可惜，並唔係咩好消息!!藝人沈殿霞(肥肥) 終於不敵病魔病逝。踏入鼠年，不雅照片，內地雪災，火燃南大門，死人，股票大跌.... 真係大吉利是!! (定係我太負面呢?? 又冇D好新聞提供下呢?)
出生o係呢個年代既BB，係唔係都應該適應劣境，自強不息呢??
好多朋友問我B 仔改左名未!! 其實改左喇!! 名字好簡單/普通 - 「永強」，係媽媽離開前替佢個孫改既，意思係「永遠自強不息，不要依靠別人」。
至於英文名，小小力改B仔名做「Isaac」，有笑/開心，聰明體貼的學者型男人既意思。希望B仔有學識，有智慧，同開開心心去面對生命中既各種挑戰。
B仔，一個新既時代，正為你展始喇!!
2 則留言:
「永強」會唔會太剛強, 太辛苦呢??? 「自強」會唔會好d ???
我想知英文名字的意思在那裡找???
1.「自強」都好,但冇左永遠既意思,..媽媽既希望係唔好途半而廢!!
2.http://www.behindthename.com or http://www.babynamesworld.com/
發佈留言