環保玩具&科學原理

番到屋企，個女話有工課唔識做。一睇，係個老師叫佢地兩 日內設計一件利用科學原理既環保玩具!! 我記憶中，我個女小學根本冇科學讀(其實香港小學都好似冇科學讀!!)，於是問下佢識D咩科學原理啦!! 個女話乜科學原理都唔識， 但老師話可以用桿控原理(乜野係桿控原理??我上網都搵唔到!!槓桿我就聽過!!)風力發電或者水力發電等!!....
我從來都冇諗過一個小學生會識風力發電或者水力發電!! 個女班上真係有同學識??
我真係想去上一堂聽下個老師點樣教佢地風力發電!!坦白講我真係唔識!!
猶豫之際，個女問我核能算唔算環保，蝙蝠用回音定位既方法可唔可以做玩具呢?
幾好喎!! 整一個核能推動又有雷達既機器人囉!!
唔知老師識唔識做隻「渣古」呢??