下一代

其實養個小朋友，供書教學真係唔少錢。女女番學，差不多日日有通知要簽，而又差不多每三張就有一張要交錢，都仲未計佢補習用既錢。一個小朋友讀書用既竟然仲多個我夜晚讀大學，咩九年免費教育，有鬼用咩!!
好似我同事得大約一萬蚊人工，但個女讀書(幼稚園)已經用左三千(學費加雜費)。當政府俾一萬蚊學券過佢，平均每個津貼一千，學校即刻加學費五百，有鬼用咩!!
以前，父母窮，政府俾機會佢地既小朋友接受同樣既教育機會，等佢地既下一代有機會改善生活。依家，連呢個機會都冇埋。