親力親為

等待既時間過得特別長，到底學校收唔收我，今年有冇書讀，到依家都未知。所以計劃有暫停。都唔明做admin. 既姐姐點做野，有冇位收我洗唔洗睇三個星期呢?? 收唔收或者waiting都有個知字呀，e-mail又唔覆，電話又唔聽，算點??

又一個星期冇見媽媽，冇見媽媽既日子每晚打番屋企，細佬同爸爸都都媽媽冇事。但番屋企見到媽媽，原來情況好嚴重，媽媽瘦左好多，媽媽都嘔，食唔到又訓唔到，仲成身損傷。媽媽話佢兩個都冇乜理佢，一個跑馬，一個打機，媽媽死左佢地都未知。唉….唔明!! 我番屋企兩日，媽媽又食到，又訓到，又冇再嘔。舅父黎睇到都覺得媽媽好精神。睇黎都係要多D番屋企陪媽媽。

每樣事都係親力親為好D!!

好快，太太已經有左BB三個幾月，期間重左十八磅，係唔係重左D呢??