家政

因為太太既表姐有事番左大陸，太太又有病要停工休息要人照顧，個女放暑假又冇人睇住佢學習(唉!! 個女係分分鐘都要人睇住先會做工課，所以每日放工番屋企我都要勞氣到晚上十二點先可以休息，再係咁，命都短幾年..!!) ，太太o係教女方面又絕對幫唔到手…於是，暫時叫個女同太太番東涌住，自己一個住筲箕灣。第一，佢地日日有人照顧，第二，唔好等病毒互相感染(我自己現在日日都要食抗生素) ，第三，讓我都可以休息下!!
一個人住，又要從新學家政喇!!