睇電視節目，一班七月一日上街遊行既學生(相信係大學生)接受訪問，佢地話反對粉飾太平，睇到有唔對既地方就要出聲，要上街，年青人係要有批判性，咁先係愛國。
小小力睇完，又有D野想問…
粉飾太平，即係話依家係唔太平…咁，算小小力蠢，請問依家既社有咩咁唔太平?? 有咩咁動盪?? 要知道一個社會咁大，每日每處都會有著大大少少既問題，如果有一D小問題大家都覺得社會係唔太平，要將一D小事化大，唔可以粉飾太平，咁，社會漸漸就變得永無寧日…. 咁，你做D野令社會變得不安，係愛國咩??
上街，對所唔對既地方就要出聲，叫反對。反對左，又有咩建議俾政府應該點做?? 係冇既!! 樣樣都叫唔好做，又冇建議，咁又係愛國咩?? 愛國唔係淨係用把口架!!
批判性…其實係唔係想講批判性思維(Critical Thinking) 呢?? 你又唔係法官，俾你批判左既野係冇用架喎!! 批判完，又點呢?? o米繼續批判第二樣囉!! 難聽D講叫「吹水」!!
小小力相信，愛國係要身體力衡既!! 而o個D自稱愛國者既，更加係對真正愛國者既一種侮辱。
2 則留言:
我覺得7-1遊行唔係要批判d咩，可能是那些大學生表達錯誤吧。
在我來說7-1遊行是要求普選的人民力量表現，身為一個香港人，希望香港有民主，借這日身體力行，對政府和平地作表示。
與其話那些大學生表達錯誤，不如話佢地冇諗清楚自己想要D乜!!
對於7-1遊行,我只係去過一次,..就係50萬人那一次。那一次,我的目的只係希望以和平方式反對23條粗暴立法,但在場還是聽到那些民主神棍嚷著：「平反六四」。我想,50萬人當中,有幾多係抱著平反六四的目的去遊行,..真正要為平反六四去遊行,又有冇50萬人去呢??我的目的根本上唔係咁,感覺被人利用左去組成一種反政府力量,..自此,再冇去7-1遊行!!
至於普選,我更加唔支持!! 要知道, 有普選唔等於有民主。普選只係民主制度中既一種選舉型式。民主係要人民去主導政府執政, 唔係選個人出黎交俾佢執政。人民參與執政, 先要從最基層做起, 去參與地區事務,再進一步去理解多D政府運作,你先有能力去「主」, 先有能力去監察…但香港人有幾多身體力衡有參與地區事務, 有幾多人理解政府運作, 民主,.. 只係空談, 只係一種被利用既政治工具。每次投票, 有好多人都唔知點解投俾o個個人…參選者既立場, 政剛又唔知….
發佈留言