聰明人的邏輯

某日，假期，公司停電試發電機。假期之後，有某同事話有3支閉路電視死左，於是佢直接話:「你試發電機整死左3支閉路電視。」佢叫左閉路電視保養商黎睇，保養商嘅師父開張工作單俾我，話死左3支閉路電視，需要報價更換。

唉!! ….......

第一，我曾經試發電機係真，3支閉路電視有問題亦係真。但咁可唔可以話3支閉路電視嘅死係因為我試發電機呢?? 你點知?? 舉個例，街道上有個人死左，我曾經行過呢個人身邊，你可唔可以話我行過整死左呢個人呢??

第二，3支閉路電視o係高位，保養商嘅師父梯都冇用過，即係睇都冇睇過就開張工作單話死左3支閉路電視要更換。

結果，我打電話俾保養商叫佢搵人黎睇多次，我搵人睇住佢檢查。最後，熄一熄支閉路電視，再開返，3支閉路電視乜事都冇，正常過正常。 咁，就慳返五萬幾蚊。

有時諗下，返工成日對住D咁聰明嘅人都幾frustrate!!

我唔係講反話架，你諗下.....

第一， 係我試發電機整死左3支閉路電視，咁就唔關某同事嘅事，係我嘅責任要整返好佢!!

第二，保養商話死左3支閉路電視，需要報價更換，檢查維修都慳返，唔使做!! 裝過支新機又唔係保養維修嘅工作。你俾唔俾錢做就關人鬼事!!

可惜，我地嘅社會太多聰明人。