平靜渡新歲

子曰：「吾十有五而志於學，三十而立，四十而不惑，五十而知天命，六十而耳順，七十而從心所欲、不逾矩。」
踏入虎年，我將進入不惑之年。30歲確立了自己平生志向，40歲經過10年見聞、經歷，更能確信自己當初所立志願是對的，而不會再迷惘，也不會再搖擺不定。我睇返自己行過嘅路，雖然唔平坦，但真係幫到自己累積人生經驗，心境都比以往平靜得多。好多事，就算係好簡單，唔係你想就做得到，依家得失都唔太重要囉!!
新年，天寒地凍，好有過年氣氛。經過一年忙碌，能夠一家人一齊坐埋食飯，我已經好滿足囉!!
今年，初一同情人節同一日，上一次係57年前，下一次係38年後。
但如果可以，我希望下一次初一同情人節相遇，我同太太都可以一齊見證。到時我地都係老公公老婆婆囉!! 哈哈!!