黑暗時刻

又一星期冇寫Blog!!心情又唔多好!!
賊仔終於肯搬走，但係要爸爸俾錢佢先至走。我覺得呢個唔係結局，只係另一場惡夢既開始!! 你肯俾第一次，就有第二次，直至你冇得俾，跟著就唔知會發生D咩事喇!!
老婆唔知做乜，返左兩個星期工，睇落好累好殘好唔開心咁，又話失眠!! 問佢有咩問題，佢又唔講。陪老婆既時間又真係冇，我返工(08:00)老婆仲訓緊，老婆放工(23:00)又到我差唔多訓!! …...星期日大家都累到死，同住一間屋，感覺好似好陌生!!
流感流行，BB同自己都中招，真係有種身心都疲累既感覺!!
呢一刻，乜都唔想做(冇心做)，只想呢段黑暗既時刻快D過!!
(其間同Jason食過一次飯，朋友總會o係你需要既時候出現，我冇搵佢，但反而佢搵我，有時有D野真係好難解釋。唔知幾時可以見到Jason對仔女，梓汝同梓泓呢 ? )
(其間去志蓮淨苑報左個course，九月起星期一返學，又睇下點!!)