假期影評

聖誕期間,睇左四部戲!!
<證人>,50分。點解部戲叫證人,全套戲都冇一個係證人!!謝霆鋒做戲得兩個表情,笑同唔笑,....其他怒,悲,擔心等等都入於唔笑,因為分別真係唔係好大!!話佢好博唔用替身,咁又點??同套戲好唔好睇有咩關係??張靜初... 呢個都係唔識做戲,...做律師同做道友做到差唔多!!張家輝,...o係套戲係扮演「未來戰士」,一個一隻眼係玻璃,打極都唔死既殺手!! 唉!! 呢d戲,本來冇打算睇,....不過我太太好鐘意睇張家輝,.... 冇計!!
<葉問>,50分。甄子丹唔識做戲預左,...但打都唔見得精彩,俾佢打既好似沙包咁,唔多會歸手!!...不過呢D「愛國」「打日本仔 」電影,叫葉問又好,叫張三又好, 都有一定市場。
<神探伽俐略>,70分。只要你忘記係電視睇既湯川學,忘記廣告睇既物理學天才對數學天才,咁係一套唔錯既電影。電影裡面,同物理數學完全冇關,甚至同科學都冇關係!!偵探片用倒序法一開始就話你邊個係兇手同點死法令追看性大減!!堤真一扮演既數學天才其實做得好好,但現場觀眾竟然嘲笑,真係底B!!
<吸血新世紀>,10分。套戲完左我都唔知佢講乜!!悶足兩個鐘! 10分俾乜?男女主角囉!!